Trámites (ver Subsede Electrónica) > Errekargudun salmenta > Eskaera > Informazio-oharra

2007ko urtarrilaren 31z geroztik, indarrean sartu da urtarrilaren 25eko 104/2007 Ministerio Agindua, aitorpen-likidaziorako 598 eredu berria onartzen duena.

1/2007 Errege Dekretua indarrean sartzeaz geroztik, baimen-eskaera ez da errekargudun salmentarako behin-behineko baimena, eta behin betiko baimenari itxaron behar zaio tabako-lanak saldu ahal izateko. Hori dela eta, izapideak arintzeko eta baimena atzera dezaketen zuzenketak saihesteko, eskatzaileak datu oso guztiak adierazi behar ditu, dagozkien espazioetan. Horrez gainera, Udalak emandako jarduerarako lizentzia-zenbakia eta lizentziaren helburuaren deskribapena adierazi behar ditu.

Halaber, Agindu hori indarrean sartu zenetik (1/2007 Errege Dekretuaren ondorioz), ez da beharrezkoa saltzaileari eskaera-kopia bat bidaltzea.

Makina saltzaileen identifikazioari buruzko III. epigrafeari dagokionez, eskaera hau lehen aldiz aurkezten denean, makina saltzailearen kodeari, markari, modeloari eta serie-zenbakiari dagozkion atalak bakarrik bete behar dira, fabrikatzaileak makinaren gainazalean bertan adierazi duen moduan. Aurretik erregistratutako makinak berritzeko orduan, baimenean Tabako Merkaturako Ordezkaritzak lehenago eman dion makina saltzailearen erregistro-zenbakiak bakarrik agertu behar du.

Berebizikoa da kontuan hartzea ezin direla lortutako dokumentuen fotokopiak erabili, ez fisikoki eta ez informatikoki; izan ere, aurkezten den dokumentu bakoitzak eskaera-zenbaki independentea izan behar du.

Eredu hau, ohikoa den moduan, saltokietan eskuratu ahal izango da. Halaber, Ordezkaritzaren web gunean eskuratu ahal izango da:

1. Formatu elektronikoan deskargatzeko.
2. Datuak betetzeko eta eskaera aurkezteko, aurrez tasa ordainduta.
3. Eskaera aurkezteko eta tasa modu telematikoan ordaintzeko.

Eskaerak aurkezteko bide informatikoak erabiltzea gomendatzen da, modu horretan espedientea askoz bizkorrago izapidetzen baita.