Trámites (ver Subsede Electrónica) > Venda con Recarga > Devolución da Taxa

A entrada en vigor da Lei 28/2005, de medidas sanitarias fronte ao tabaquismo e reguladora da venda, a subministración o consumo e a publicidade dos produtos do tabaco supuxo a imposibilidade sobrevida na venda de produtos do tabaco respecto dunha serie de autorizados para a venda con recarga que, con iso, deixaron de ter título habilitante para a venda, non obstante ter pagado a correspondente taxa para a obtención deste.

Así dende o 1 de xaneiro de 2006 existen autorizados para a venda con recarga que non poden realizar esta por desenvolver actividades mercantís que teñen excluída de forma expresa a posibilidade da venda de tabaco ou por estar localizados en lugares onde está expresamente prohibida a venda e o consumo do tabaco.

Corresponde así a devolución da parte proporcional da taxa percibida pola autorización que quedou revogada pola Lei 28/2005. Por iso, os afectados deberán dirixirlle a solicitude de devolución da taxa ao Comisionado para o Mercado de Tabacos, completando todos os datos básicos para identificar o titular do dereito e a taxa percibida.

Co obxecto de facilitar a devolución da taxa deseñouse un modelo de solicitude, que se pode descargar dende esta páxina.